الوردة الحمراء لك يا روحي.....؟

طرّف الليـل والأشـواق حرّاقـه
و المواعيـد ملّـت مـن تحرّيهـا
كل ماوايقت عيني مع الطاقـه !!
تلمح وجيه تبغانـي .. ولا أبيهـا
مالها لا جمـل عنـدي ولاناقـه
كـل عيـنٍ تلـد لعيـن غاليهـا
ماثنى عرق صدري فوق خفّاقـه
غير مهرة عقيـدٍ عنـد راعيهـا
بنت قومٍ علـى الوقفـات سبّاقـه
تعرف فعولها .. قـدام أساميهـا
الطواري تمر ابهـا علـى فاقـه
حي طاري الغرام !! وحي طاريها
بعد غيبة شهر للوصـل مشتاقـه
كابرت لين جاب الشـوق تاليهـا
أقبلـت للقـاء والعشـق توّاقـه
كل غصـن إيتثنـى مـن تثنيهـا
خلّت أطول ظفايرها على الساقـه
كنّهـا الصبـح والليـل امتقفّيهـا
غيمةٍ من حقوق الوسم منساقـه
دكّها البرق .. وأشتبـت مثانيهـا
أستباحت حشاي !! وقدّت ارواقـه
وأمطرت في ضلوعي .. عز واليها
قالت : البعد هزّ الغصن واوراقـه
قلت : حبلٍ خذا الدلـو بعراويهـا
أعطي الطيـر حريتـه ومسباقـه
ودّه يصيدهـا .. والاّ يخاويـهـا
لكن ( الورده الحمراء ) من الباقه
أخذي العمر يفداك .. وعطينيها !!

جميل ماابدعت به اخي ابو جاسم

مشكوووووووووووووور ابو جاسم

يعطيك العافية