قصيدة الدريشة

قال بـن شامـت انـه الليلـه تغـوش

غوشه لي بدى مثل القمر في الدريشـه

من صباح الله اصبح عاد شعره منفش

يغري القلب بالشفاف يقطـع حريشـه

حط في العنـق حلـق ولبـه رشـرش

فوق صدره محلـى والدبـل والنيشـه

قلت بالله يا مولـى الجبيـن المنقـش

أرحم القلـب يـا بـو ظفايـر نفيشـه

قال ماشي بحولـك لاتجـرى وتتبلـش

عاد من دونك المربي والشرطه عليشه

روح لك روح لاتصبح بسببي مكلبـش

وانته باين عليك انسان طالب معيشـه

احرج القلب واحرجني ونويت مطـرش

من كلامه انا تغثيت اه يا خس عيشـه

ريته وانه معي مـا دام الفطـر طنـش

ما نصبح الا سوى انا واياه في خيشـه

حيا الله اقوام تمشي ناقليـن المحـدش

ما يهابون حد مهما بلـغ ظلـم جيشـه

منظر الزين غوشني وقدنـي محـرش

اوه ما احسنـه اوه مااحلـى جهيشـه

ذكر القلب لـي مايلبـس الا مرعـش

لي حط له في الكبد غرس يحرم حشيشه

والله اني من اول كنت في الناس مغتش

غشني ذي لعب بالفكر ايـام طيشـه

لكني اليوم انا باقولهـا كلمـة احـرش

تبدل لك البهذله ياولـد بـن عفيشـه

هايلي لي تسبب فـي عذابـي مقـرش

ابو الثمان الريش ماليوم يمشي بريشه

ياعرب كان يا ما كان ماضـي تنبـش

وانتهى كل شي واليوم نفسي غويشـه

دايم القلب والارسـال عنـده مشـوش

ماتوضـح لنـا بإسبـاب رادار بيشـه