قصيدة ساعف لجاويد واهل المرجله

وهي من القصائد المغناه بصوت فتى البوادي شامتيات2010 لحن جديد تجدونها في المكتبه الصوتيه

أبدا بربي وأنا منه وله =عالم بما أكن في الصدر الحنون

الجو صافي ولافي البرق تخيله=والبرق يلمي على سبعه ركون

والنجم هذه السنة في السنبلة=يا ذي غروربك على منهل شنون

ما عاد حاجه تجوب المرحلة=نادى المنادي وبدوانك سكون

بن شامت الوقت هذا شعتله=يضحك ويبكي ولاشي له سنون

بعض البشر في نفسه ما أثقله=بالهم والأخر على رأسه ديون

وآخر يغني ولحنه بهذله=وآخر يباكي وجمله يضحكون

وآخر في الأرض يمشي ما اخيله=وآخر في القيد يرزح في السجون

دنيا عجيبة وقصه معضلة=ماشي لها حل يا ذي تعرفون

تبغا الأجاويد تصبح روفله=لازم توطي محاجين القرون

لكن يا قلب صبرك سهله=اصبر وربك مع ذي يصبرون

واسمع كلامي على الله الكِله=ومن توكل على الله ما يهون

هذه نصيحة وجملتها أمثله=لناس قبلي وقبلك يفهمون

خايف تضيع وتصبح مهزلة=وألا تقعطم ما بين البيون

لا تشرب إلا كرع من منهله=صافي زلالي مع ذي يشربون

ساعف الأجاويد وأهل المرجله=ذي هم في الصدق يعطونه طعون

ذي لانهم كأن صوته قنبلة=يلقي بخصمه تلاويح الجنون

ولاتساعف قليلين الصله=ذي هم يسيئون في الجيد الظنون

ذي سلفهم مثل سالف الارمله=كنا وكانت وياما بايكون

من راح للهرج ذا يستاهله=مني وعاده دبل لاهم يبون

أكبر على الوقت هذا ما أفسله=كم من نمر راح تبكيه العيون

ماعذر من حل هذه المسأله=بالله والا بزينات الكفون

وكل مخلوق يتبع مدهله=ماينفع الجيد غبني بالغبون

هذا مقالي ولا با فصله=واصح وبين لذي هم يفطنون

أقوال في الصدق ما هي بلبله=والنيم في نومته والا الذهون

والختم صلوا على ذي رسله=رب السموات ولاه الشؤون

عد الحجر والشجر متواصله=وعد ما هل الفضاء بايطلعون

يعطيك العافية اخي عابر الرمله على ما ذكرت لنا

تحيااااتي

شكرا اخي عابر الرملة

ابيات روعه

عدد المساهمات : 1046 نقاط : 6358 05/01/2010

ذي لانهم كأن صوته قنبلة=يلقي بخصمه تلاويح الجنون

ولاتساعف قليلين الصله=ذي هم يسيئون في الجيد الظنون

ذي سلفهم مثل سالف الارمله=كنا وكانت وياما بايكون

من راح للهرج ذا يستاهله=مني وعاده دبل لاهم يبون

شكرا اخي عابر الرملة

ابيات روعه

» قصيدة بشائر خير
» قصيدة البريء
» نور الحقيقه قد نزل باسمى كتاب *** واهل الحقيقه قد غشاهم كل خوف
» قصيدة ( حب ) :
» قصيدة زعل