بدع ناصر بن حيدره العولقي وجواب بن شامت الخليفي الهلالي

وهي لبن شامت والبدع للشاعر العولقي

بدع ناصر بن حيدره العولقي

الا يالله دعـــيـــنـــاك يـــــســـــر=وتيـسـيـرك لـنــا رزق الـسـهـالـه

وعبـدك قــد دعــاك الـيـوم تغـفـر=وجنـبـنـا مـــن اعــمــال الـنـذالــه

خوصـالـح نصـيـف اللـيـل سـاهـر=ورد الـصـوت الا يــا بـال بـالــه

انا البـارح علـى الشرطـان سامـر=سمعـت اللحـن دي تعجـب اقـوالـه

سمـعـت الشامـتـي غـنـى ويشـعـر=ويـا مـا احلـى قصيـده فــي مقـالـه

عرفـت الجـيـد يــوم الجـيـد يـذكـر=ونـعــم الـجـيـد تعجـبـنـي افـعـالــه

وياطـارش علـى الجيـب المـصـدر=مــن اليـابـان مضـمـونـه عـجـالـه

ومـن ابهـا مــع الاغـبـاش سـافـر=وخطـك فـي السمـاء ماشـي رمالـه

وباتـجـزع مـراكـز بير عسكر=وبـا تمشـي عـلـى خـطـك سهـالـه

وياتـنـزل عـلـى الــوادي مـؤشــر=واد الـنـخــل دي دنــــت خـيــالــه

على البدوان دي في الشق الايسر=سـلامـي مــا رعــد وثـــر نـزالــه

سلامـي علـى بــن شـامـت تخـبـر=وفـــي نـجــران باتـلـقـى حــلالــه

سـلام الفيـن لـه وملـيـون واكـثـر=ومـن باريـس عـطـره فــي تـوالـه

ســلام الاف لـــه مـالـرعـد ثـــور=وسـقـوا بــه حـجـل بـعـد العمـالـه

الا يــا بــن الخليـفـي دي مهـاجـر=وتركتـوا الـوطـن وانـتـوا رجـالـه

ويـا مـا غيـركـم قــد هــو مسـافـر=وتــرك صاحـبـه مسـكـيـن حـالــه

انــا مغـلـول كـيـف الـوقـت غـيــر=ووغـيـر كــل واحــد فــي مـجـالـه

وشــل الـشـال الاعـــرج ولـكـسـر=ولاعــاد بايـنـاسـب كـــان شـالــه

وشفـت الهيـج ماهـو عــاد يـهـدر=وقــد شفـنـا النـمـر خـايـف ثعـالـه

ولاعـاد خـو ولا بـن عــم يحـضـر=ولا دي منـتـسـب عـمــه وخــالــه

انــا شفـنـي مــن الاخــوه مـكــدر=وصـادرنــا الـحـمـل دي للحـمـالـه

ولـكـن قـــول يـــا قـلـبـي تـصـبـر=وعـــاد الله بـازقــر فـــي حـبـالــه

وبـانـرجـع عـالـعـاده وبـــا تـغـتـر=ذاك الـيـوم بـاشـرب مــن زلالـــه

انــا باحـزيـك مــن بــازل مـخـيـر=وهـو مرغـوب دايــم مــن حثـالـه

لانه لك في الشرف عالخير والشر=وبــه كـمـن بـطـل حـصــل نـكـالـه

وذا دي صـــــدر مــنـــا وفـــكـــر=وحــل اللـغـز يــا قـــرن الـهـلالـه

ولاحليـت هــب لــك قــول مشـكـر=بـاهـديــه لــــك كــاحــل سـبــالــه

وغـنـت لــك بـنــات ادم وتـحـجـر=بـنـات الـكـور دي يـرعـن جبـالـه

ختمنـا القـاف مــن قـبـل اثنعـشـر=وبايـرسـل مــع الاغـبــاش حـالــه

جواب بن شامت الخليفي رحمه الله

الا يالله يـــــا عــالـــم وتـنــظــر=آلـه الكـون سامـع مـن دعـى لــه

وياعـالـم بـمـا انــا عـنـه مـغـتـر=عظـيـم الـشـان فـاهـم كــل حـالـه

تيسر لي عمـل فـي البـر والبحـر=وتـرزق كـل طالـب حسـب فـالـه

وبـن شامـت يقـول القلـب فـسـر=يفسـر فـي صلاحـه مــن عطـالـه

ثمـان سنيـن فــي الغـربـه تـعـزر=وقلبـي قـرر ان يـنـوي ارتحـالـه

لقينـا مـن بـعـد مــده حــظ اوفــر=ومــن نـجـران قـدمـنـا استـقـالـه

وعـنـوانـي فـــي الـديــره تـغـيـر=وغـيـرنـاه مـــن خـــط الـبـدالــه

لعـبـنـا يـــك واثـنـيـنـا بـجـوكــر=وراحـــت كـلـهـا كـوبــه جـلالــه

بعيده يـا عتـق مـن خـور مكسـر=ويا ما بعـد سقطـرى مـن صلالـه

انـا البـارح ضـوانـي خــط وأثــر=علي من شخص يشكي له احواله

قبيـلـي مـــن قـبـائـل مـــا تـعـثـر=ومــا يطلـبـه فــي الـدنـيـا تـنـالـه

الا يــــا مـرحـبــا مـالـمـيـج دور=ومـا دقـوه مــن سـلـف اشتعـالـه

وانـا واجـب علـي احييـه واكـثـر=تراحيـب المطـر لارخــت سبـالـه

عرف قـدري وهـو عنـدي مقـدر=وقـدره نقـد مـا هــوب بالحـوالـه

ومـا ذلحـيـن يــا راكــب كـلـوزر=تويوتـا حـسـب تشيـيـك الوكـالـه

دركسونه هوى على الكيف يفتـر=يـلـف الـقـاع مـــن لـفــة مـيـالـه

خصوصي لوحته مـا هـو مصـدر=صنع مخصوص لاصحاب الجلاله

توكـل مـن هـنـا لا الصـبـح نــور=وشـل الخـط وألحـق فـي ايصالـه

الا بـا وصيـك قــد دربــك مــدور=الا وارحل حسب عنوان الرسالـه

وباتنشـد علـى راعــي المـصـدر=عـلـى بــن حـيـدره رد الـرسـالـه

محـمـد نـاصـر عــوض لا تخـبـر= وبـن شامـت عليه جـاوب سؤالـه

وقــل لــه خطـكـم جـانــا مـؤخــر=وخطيـنـا جـوابــك فـــي عـجـالـه

وسـلم له بـعـود اخـضـر معـطـر=ولا قـال ارحبـوا رشـه فــي شـالـه

ولا تنسى الذي على الخط حاضر=وعـمـه واخـوتـه وزايــد خـوالـه

عـلـى لـجــواد تسلـيـمـي مـكــرر=دبـل مــن بينـهـم حـطـوا عـدالـه

محـمـد وقـتـنـا وقـــت المـظـاهـر=ولحـنـا نطـلـب الله فـــي زوالـــه

ولا تستغرب اذا الاسمـح تعصـور=يبـا يوبـه علـى حـسـف الرجـالـه

ووصـف الحزيـه واضـح واحمـر=يشـد الشـاب مـن كـثـرة اهـوالـه

عيـالـه طايـشـه فــي كــل بـنــدر=وجـو النـاس فـي رســم البطـالـه

وحـد تعـبـان فــي الـفـك المـقـرر=وحــد وراش واخــر فــي بـقـالـه

ولا حـاجـه قــد الـبـدوي تـطــور=تعلـم ذي عـبـر عـمــره جـهـالـه

وانا مـا بـا اشـرب الا ذي مهـذر=وبــا حــاول عـلـى نـقـل الكفـالـه

وقلـبـي قـــال خـوصـالـح مـكــدر=وبـا يعـلـن مــن الـشـارع نـزالـه

وهــذا ذي صــدر مـنـا وتـشـكـر=على ذي رسلـه لـي فـي مقالـه

وختممنـاه والساعـه احـد عـشـر=بسـاعـه قـبـل ختـمـك والاطـالــه

مشكورعابر الرملة

ورحم الله شاعرنا الكبير

يعطيك العافية اخي عابر الرمله على ما ذكرت لنا

تحيااااتي

يعطيك العافية اخي عابر الرمله على ما ذكرت لنا

تحيااااتي