هذه الكلمات للشاعر خميس المنصوري مرسله لبوفيصل
علوي بن عبدالله بن جرادان النسي
وهي اول قصيده بين الشاعرين المذكورين
ء
قم ياعلي هات البياضه والقلم*** بكتب لبوفيصل رساله مبهمه
في طيها تحمل تلاحين النغم*** فيها معاني واضحه ومترجمه
انت المعنا يا علي بادر وقم ***خذ ذه رساله في ضروف مختمه
لاالفيت عند الجيد مكرم ***من قدم بلغ تحيه والسلام مقدمه
اعطه كتابي يارسولي والكلم*** والخط من يدك ليده سلمه
واطلب جواب الخط بالسرعه يتم ***ويقول رايه لاعلينا يكتمه
حب الصراحه والصراحه ماتذم ***واللي يحب الصدق ماحد يشتمه
قله جفاني الدهر بحكامه ظلم*** هل من يطالب في حقوقه يظلمه
مهما تجبر اوظلمني متهم ***مانا بري والسر ربي يعلمه
من كان صافي القلب والنيه سلم*** يصبر ولا الحساد زادو علقمه
بصبر على ذا الحال مابي شي ندم*** مايكتب المولى لعبده قسمه
بشكي عليك اليوم من ضيقه وهم*** يوم انت باتعرف شكاي وتفهمه
انا بشر والقلب من لحم ودم ***احس وعرف مابقلبي يئلمه
من حيث يهوى القلب يمشي بي القدم ***والعين تتامل خياله ترسمه
تتامل اللي لاتحدث وابتسم ***شعشع سنا البارق بداخل مبسمه
هو غايتي ومناي ماغيره فلم*** يهواه قلبي او يود يكلمه
لانه ملك والغيد جمعن له خدم ***هيف الحضاره والبوادي تخدمه
لاسار فوق القاع سيره منتظم*** مايوم شفت انه تعدى لنظمه
ذاته دوى قلبي ودائه والسقم*** وقربه شفاءروحي دواه وبلسمه
يازين لاتبخل وجدلي بالكرم*** جدلي بوصلك والنضر لاتحرمه
ياسيد وليتك وباصبر ع الالم *** دخيل بيتك لاتهينه اكرمه
انت المفوض في حياته والحكم*** مايريد غيرك من قضات المحكمه
راضي بما يمليه قلبك ملتزم *** بكيفك تقاسي القلب ولاترحمه
لانه حلالك ملك ماحد له قسم*** مخصوص لك مخلوق ربي قسمه
ءوبهذاء اكتملت قصيدت الشاعر خميس المنصوري
ء
ء
ويليها الجواب من الشاعر ابوفيصل النسي
ء
يقول ابوفيصل هلا رؤس القمم*** وبالتراحيب الجبال امعممه
يامرحبا عاد القدم فوق القدم ***ماحن ذي صرفه جدد من محزمه
ترحيب يملى شعبنا عالي الردم*** الشعب ذي فيه الجمال مفدمه
ومرحبا بالخط منضوم الرقم*** فيه المشاكل بالحروف مرقمه
من عند اخو ناجي العزيز المحترم*** ذي هاجسه لاضاق صدره نسمه
لاشي طرى له بايجيب ابيات جم ***عد الضما يبري ضما من جممه
سره سرى له من قدا خال وعم *** قيراط يلقي للقوافي ملزمه
لاقد هوي وجد حروفه من عدم *** في وقته الرقم القياسي حطمه
قم يا مساعد بالكتاب اعزم عزم*** على السبارو ذي الخواجه صممه
جديد ماطوره وقيراته سلم *** والبدي ماضن المسمكر لحمه
ماعاد باوصيك يا ذئب الرهم *** ياذئب دربك تعرفه وتيممه
مضواك عند البدو حلان الخيم *** اهل العرابا كل بكر موسمه
سلم عليهم ماسحاب الصيف لم*** تصبح قفاه القاع نبت مرزمه
واسفل حبونا رعي للبل والغنم*** والضهر ذي فيه الجمال مخطمه
قل للمغني جا كتابه وفتهم *** وذا جوابه والمجوب تممه
شف من دعا بالصوت قلنا له نعم*** نعطيه حقه ون خذه ون اعدمه
ماصاحبك ذي حط في كبدك علم*** الضبي لعفر ذي محجل معصمه
لاهوب منصوري ولاهو من دهم*** ولاجنوبي ماعرفنا محرمه
تقول ما مثله وجد كمن وكم *** كمن سنافيه اصيل موشمه
شف في تماني مثل ذي شفته واطم*** ولوتشوفه كان تمسي تحلمه
فيها الضبا ذي ما توقف ع الهزم ***الا الزهر تعرض عليه تشممه
تجزي من الماء ياولد لولا ولم*** لولا الحيا ماكان ضني تطعمه
شتو بها في العبر والخمس الحزم*** والقيض ماءزلوبها اسفل صيعمه
والعفو يالبداع لازل القلم*** قده يزل النيم لاحد قومه
ما واجب العملاق يتحدى القزم*** يلقي عليه مصارعه وملاكمه
واخر تحيه من مشاعرنا لكم*** من عطر غالي في ظروف مختمه
الأربعاء مارس 17, 2010 8:29 pm
