الشاعر اللي مرسـلٍ لـي قصيـده

الشاعر اللي مرسـلٍ لـي قصيـده
مايدري اني ماعـرف ألـف وادور

على جناح الطيـر يرسـل بريـده
وانا على عاده ومذهـب ودستـور

ماقدر اجاري قصـده اللـي يريـده
ولاني على كيفـه بماقـال مجبـور

حره انا ماني مـن اطـرف عبيـده
امشي على كيفي ودربي على نـور

على المسنجـر بالاضافـه زهيـده
ماحط عندي طاقم رجـال طابـور

بالله مـن عرفـه وش اللـي أفيـده
غير الغلط من دون تفكير وشعـور

لاويتشـره والرسـايـل عـديـده
يقول ماترسـل ولاانتـه بمسـرور

انـا عنيـده اشهـد انـي عنـيـده
وابوي رباني على طيـب وطهـور

ماني من اللـي بالتعـارف سعيـده
يضحك عليها النذل بالكذب والزور

انا تـرى بن الرجـال الشديـده
مارضى بعيش البغي والظلم والجور

عقلي براسي واخـذ اللـي اريـده
واللي زعل ماهز شعـره بهالكـور

دربي شرف واحيـا حيـاةٍ حميـده
واعيش في جوٍ من الطهر مغمـور

في العقل والزيـن وصفـي فريـده
لاجيت بين البيض كاني من الحـور

حيـاي كاسينـي وربـي يـزيـده
عيبٍ علي لايمكن لطهـري ابـور

أبوي شيخ الجـود والطيـب بأيـده
شيخ حكيم ويبدي الـراي ويشـور

وان كنت شاعر والك مـده مديـده
تكتب ولك بيـن المحبيـن جمهـور

بتشوف اسمي صار وسط الجريـدة
واصير مشهورة مثل مانت مشهور

جات الاجابه مـن مشاعـر أكيـده
فيها تقول العيب منهـي ومحظـور

روح تـرا مانـي بقربـك مزيـده
فارق وتلقى غيرنا وانـت مستـور

فقمت بالرد على قصيدتها واقول:

يامرحبا من قلب صافي وريدة
يابنت شيخ(ن) عنده الطيب مخبور

يابنت سمحين الوجية المجيدة
اللي علمهم في ذرا العز منشور

انا اشهد اني ضعت وسط القصيدة
عجزت ادور بيت مايل ومكسور

ابوك شيخ الشمل وانتي عميدة
وهذي البيوت العامرة خير مذكور

ماهمك اللي له نوايا عديدة
لو زان صوتة داخل القلب مدمور

اللي يزين بالبطاقة بريدة
لابد ماياكل مع الوقت خابور

يبي يدور تالي الليل صيدة
ولاني على بعض السواليف مجبور

ومن تاب عنها جعل ربي يزيدة
ويعيش بين الناس مرضي ومسرور

هذا كلامي ومن لقابة نقيدة
رقمي مع اهل الطيب واضح ومنشور

مشكور فتى خليفة على القصيدة

مشكور فتى خليفة على القصيدتين

يعطيك العافية فتى خليفة

يعطيك العافية فتى خليفة

يعطيك العافيه اخي فتى خليفه على نقل القصيده موفق باذن المولى

مشكوورين على
مروركما

يعطيك العافية فتى خليفة على هذه السطور

مودتي

» قصيدة الشاعر / الأمير خالد الفيصل التي رد عليها الشاعر اليمني / هادي ربيع شبواني العبيدي من قبائل مأرب اليمن
» السكوت اللي مطوّل
» الغايب اللي غيابه زاد عن حده
» يقول اللي جرح قلبه حبيبه
» الشاعر علي بن حمد بن حسن الكربي