تدري وش اللي يجرح القلب جرحين ***ويمد حـبــــــل الحزن فيك ويشده
انك تناظر طفل من غير أبــوين *** يمشي ودمعة سايل فوق خــده
منظر صعيب ويقسم القلب قسمين *** لا قـام يمسح دمعة بكف يــده
يمشي ولا يدري طريقه على ويــن *** لــيــن الـتعـب مـن كثر ما تاه هــده
اثقل حروف يشيلها فيــــــــــــــــــــه حرفيـــــــــــــن*** لا اب يـدري بـه ولا ام تــرده
في خطوته رحــــلة ودمعـــة وسكـين *** وحـظ تـوسد بالمـراسي مـخـده
جيت اساله بالله قل لي ولـد مـيــن***وبـغــى يـجـاوب.. واختـنق صوت رده
أنــا يـتـيـم ومـا لـدربــي عـنـاويـن ***وجــزر الحـزن فيني يسـاوي لـمده
وطـعم الطفـولة ما عـرفته لها لحين***وثــوب الســعادة صــرت ما نيب قـده
ابـكي إلــى من شفت غيري سعيـديـن *** لـيـن الـبكـا فـيـني يـوصـل لـحـده
واقفى ورحت امسح دموعي من العين***وعـيـني تـناظر دمعـته فــوق خـــده
وهـذا اللي يـجرح الـقلب جـرحين *** ويـمد حـبــل الـحـزن غصب ويشده
اللَّهُمَّ إِنِّى أَعُوذُ بِكَ مِنْ زَوَالِ نِعْمَتِكَ وَتَحَوُّلِ عَافِيَتِكَ وَفُجَاءَةِ نِقْمَتِكَ وَجَمِيعِ سَخَطِكَ
الأحد مايو 16, 2010 4:58 am
