حصريا قصيده رثاء من الشاعر عمر عبدالله بن شامت لجميع اهل بيته

يالله ادعيك يامن تعطي العبد رزقه =انت ياعارف اللي مابقلبي وتقراه
اطلبك جنة الفردوس ياخير جنة =لي ولامي وللوالد ولاخوه وقرباه
قال بن شامت ان نفسه امست به عليله =وراح لما العياده مالقي شي مداواه
قالوا انه سليم اما المرض مالقوا به= غير ان قلب بن شامت تعب بالمعاناه
يوم فارق حباب القلب منهم ثلاثه= الوالد الله يسره وينور القلب نوراه
واليوم لكبر يضلل والدي تحت عرشه= ربنا ذي استوى عالعرش ياخير عرشاه
واجتمع به وبهلي بين افضل نعيمه =ذاك بوناصر اللي شهم ماهو جباناه
وابن عمي عوض مانا من اللي نسيه =هو بقلبي ولا والله خرج بعد فرقاه
هو نصحني نصيحي خير من الف حكمه= لاتساعف عيال الشر كم من بليساه
لاتجي للطريق السهل تالي نياره= امش عالشوك ذي اخر طريقه لجناه
لاتجي القات والملغه ولاتجي السجاره= هي طريق الصياعه هي طريق الجناناه
لسانك انت اجعله دايم الذكر ربه= هكذا هو نصحني يوم انا سرت يمناه
وخوي ناصر عيوني تدمع اذا انا ذكرته= تخرجه دم ماتخرج دموع الجفوناه
هوه ذي قد وقف مع والدي كل عمره= قال له انت واصل فداك راسي ودماه
في الاخره بجنتك يارب احجز مكانه= واسقه من الحوض شربه من كفوف الحبيباه
ذا خرج فصل يالهاجس بحلوه ومره= وابتدينا جديد اليوم يازين فصلاه
وانت ياصحبي ياذي تخطط لقمه= صوب اهدافك انته لاتهم الصعوباه
لاتسمع كلام اللي بوجهه تعاسه= يحبطك من هدافك لاقده قرب مجناه
لاكن احكم زمامك لاتخليه فلته= لا اتتك المخاطر تستطيع المجاراه
صعب تدبس عسل ياصاحبي دون لسعه= كل دباس فعلا مايهم اللسيعاه
ومن بنا له بنا من دون تمكين ساسه= مايفيد الندم لاقد ينهد مبناه
وانت يالمستمع عفوا اذا شي قصوره= هاجسي جا وبيتنا بدون الحليلاه
والف صلوا على طه واله وصحبه= خير من قد مشى عالارض طول السنيناه