هذه القصيده وصلت البارحه وفيها عتاب وأتّهام أنا بري منه في مناسبة زواج قبل امس بالرياض من شخص عزيز على القلب والنفس ألأخ صالح بن أحمد لملس وهو يقول
غلطه كبيره ما شي أكبر منّها *** من شيخ له في العرف آلآف الميال
ذي قال بن لملس محظّر زامله *** قد له ليالي ينظم ابيات المقال
ماهي عويدي فالهجاء ياصاحبي *** هذه قصايدنا ترددها الرجال
ما هيه منك يا علي متوقعه *** ياليت غيرك كان ما عنّيت بال
لحناء العلاقه بيننا لمّا السماء *** عمدانها قد جاوزت روس الجبال
قد كان جدّك هوه وأحمد بن علي *** يتقاسمون الشور في شل الحمال
ذي قد سمعته ياعلي مستغربه *** من شيخ يتميز بعقله والكمال
ان شي عداله باتقع منك صبر *** وإلاعزمنا بالقطبها حبال
واللآش ماله رد مني للأبد *** تاريخنا معروف ما فيها جدال
وان شي حصل مني انا مني وفاء *** باأوفي المحكوم وبدبلها دبال
وهذا الرد مني وفي انتظار ما حكم به
يا بو علي الهرج هذا ما انطعم *** ولا شي سعه عندي لقولة قيل قال
حاشى علي انّي تعرض لك بذم *** وانته حنج عندي ومن عز الرجال
انا اشهد أنه ذي تقول ما احترم *** الشرع والأعراف من زام الدوال
كذّاب حتى لو حلف لك في الحرم *** بأنه يقول الصدق حيله واحتيال
قصده يغثّك ما سوى إلا جاب هم *** لأنه يشوفك مبتهج في ألأحتفال
وإلا يحارش بيننا والله أعلم *** وانته فتحت اذنك وأعطيت المجال
مظلوم انا لونا بعينك متّهم *** حتى مجرد شك ذرة احتمال
يابوعلي في السوم انته لك علم *** ان زاد وإلا مانقص لا السيل سال
والجود والمعروف عند اهل الكرم *** ما له ثمن في سوق لسهم بالريال
احنا خوه في ظيق وإلا في نسم *** ومخوتك عندي تساوي راس مال
واكن لك تقدير عندي جم جم *** قدرك على راسي ومن فوقه عقال
ان كان انا مخطي فانا لك محتكم *** والعدل باسوقه معدّل بوعسال
ولنته تبا محبوس وإلا شي دسم *** با يوصلك في شاص مع زين العيال
احكم بذي تبغاه وانا به ملتزم *** من شيخ في الأعراف يحكم في الجدال
حكم بن لملس الشيخ ابوعلي
حيا الرجوله فيك والشجعه أهم *** ما دام قد لبيت حكمي بامتثال
ما دور إلا الجبر وامشي له قدم *** ما بخسرك وانته تعممني بشال
بوصيك تتأنى ولا تسمع دمم *** ذي يجلبك للوم وانته في العلال
ومن بعد ذا المحكوم بحكم به لزم *** تسامحه من قال ولا تسأل سؤال
أما الوسخ ما باه حتى والدسم *** أباكم جبل عالي ولا يجيه احتلال
ودرعي من الصيعر وكربي مع دهم *** وادفاي لا هزّت نسانيس الشمال
والشيخ ابو نادر ترى دار الكرم *** ولحمته قدّم ولا يخصر بهال
اصهير لك معروف وألأمر انختم *** وصلي على محمد وكبّر عل الهلال
وهذا رد مني على ماصدر من حكم
هذه بشارة خير والشر انهزم *** والحكم ذي صادر يعزز بالوصال
من قبل ما تنطق بحكمك قلت تم *** رضاك عندي ما أبدل به بدال
أحنا خوه في الحاضنه أولاد عم *** واحنا خليفه لنتسب لبني هلال
الأربعاء أبريل 29, 2009 11:12 pm
