ودي أموت اليوم وأعيش باكر

مرثية شاعر ...

ودي أموت اليوم وأعيش باكر ..

-------------------------------------

ودِّي أموت .. اليوم ... وأعيش باكر
وأشوف مِنهو .. بعد موتي فقدني ..!

ومِنهو حَمَلني لِين .. ذِيك .. " المقابر "
وأشكر أنا .. كِل من كَرَمني ودِفنِّي

وبَشوف .. يرثيني أنا كَم 0]شاعر ] ..؟
ومِنهو تركني .. وما كِتَب شَي عنِّي

شِخصٍ تعنَّى لي .. مع إنَّه .. - مسافر
وشخصٍ قِريبٍ .. وآنا مَيِّت طعنِّي !!

وشخصٍ يمثِّل دمعِتَه .. ما هو قادر !
وشخصٍ تِطيح دموعه كِل ما ذكرني

ومِنهو مِن أهلي فـ العَزا كان حاضر ؟
ومِنهو دعى لي في " صلاته " ورحمني

ومِنهو بنى 0]بإسمي ] سبيل ومنابر
ومِنهو . . . يفز قلبه .. إلا مِن لمحني

ومِنهو عشاني : طول الأيام ساهر ..!
ومِنهو ثلاث أيام .. راح وتركني ..؟

ومِنهو يرتِّب .. - غرفتي .. / والدفاتر
وإن شاف ( صوره ) لي مات وحضنِّي

يالله عسى .. ما تغفى كل المشاعر
ويالله عسى .. ما ينصِدِم يوم ظنِّي

خايف يروح العُمر .. وأكون خاسر
وإن طار طيري .. ما يفيد / التمنِّي

وخايف يجيني وقت : أكسِر خواطر
إن دارت الدنيا .. وزماني كسرني

ومدام هذي الدنيا .. صارت مظاهر
وكِل مَن على كيفه .. وجَوَّه يغني

[صحيح مُسلم .. لكن : الهَم كافر
كل ما بغيت أضحك يهددني حزني ]

الضيق وافي .. والحزن حيل وافر
والجرح أكثر شي .. شفته يحبني !!

عايش وميِّت بين .. ماضي و حاضر
والصبر 0]مفتاح الفرج ] ضاع منِّي

قل وش تبي وتتركني يا حزني آمر
مسكين فرحي / تصدِّق إنَّ وحشني !!

( شاعر ) ولكنِّي .. ماني بـ شاعر
ودِّي أموت اليوم .... وأرتاح منِّي !!

--------------------

للشاعر المبدع : أحمد الصانع ..

[صحيح مُسلم .. لكن : الهَم كافر
كل ما بغيت أضحك يهددني حزني ]

الضيق وافي .. والحزن حيل وافر
والجرح أكثر شي .. شفته يحبني !!

عايش وميِّت بين .. ماضي و حاضر
والصبر 0]مفتاح الفرج ] ضاع منِّي

يسلموووووووواخي شموخ عز وفخر على الابيات الاكثر من رااااااائعه

دمت بكل خير

عايش وميِّت بين .. ماضي و حاضر
والصبر 0]مفتاح الفرج ] ضاع منِّي

قل وش تبي وتتركني يا حزني آمر
مسكين فرحي / تصدِّق إنَّ وحشني !!

تسلم اخي شموخ عز وفخر ابيات رااااااااااائعه

لك كل الشكر والتقدير

يالله عسى .. ما تغفى كل المشاعر
ويالله عسى .. ما ينصِدِم يوم ظنِّي

خايف يروح العُمر .. وأكون خاسر
وإن طار طيري .. ما يفيد / التمنِّي

وخايف يجيني وقت : أكسِر خواطر
إن دارت الدنيا .. وزماني كسرني

ومدام هذي الدنيا .. صارت مظاهر
وكِل مَن على كيفه .. وجَوَّه يغني

شكرا على السطور الرائعة شموخ عز وفخر